ამერიკის შეერთებული შტატების უმაღლესი განათლების სისტემა დღემდე ერთ-ერთ საუკეთესოდ ითვლება და არაერთ ჩვენს მოსწავლეს სურს, სწავლა სწორედ იქ გააგრძელოს. აშშ სახელმწიფო დეპარტამენტი და საელჩო საქართველოში სტრატეგიული პარტნიორობის ფარგლებში სტაბილურად უწყობს ხელს ქართველი ახალგაზრდების განვითარებასა და განათლებას.
თებერვალში კი „ლეტერატოში“ აშშ-ს საელჩოს გაცვლითი პროგრამების კოორდინატორი თეა კუჭუხიძე და EducationUSA-ს განათლების კონსულტანტი დალი ხომერიკი მოვიწვიეთ, რათა ჩვენი მოსწავლეებისთვის ამერიკის სახელმწიფოს მიერ მხარდაჭერილ გაცვლითი სასწავლო პროგრამები გაგვეცნო, გვეჩვენებინა, რა შესაძლებლობები აქვთ ახალგაზრდებს ამ კუთხით და აგვეხსნა, თუ რა არის მნიშვნელოვანი და რას უნდა მიაქციონ ყურადღება იმ უფროსკლასელებმა, ვისაც სწავლა აშშ-ს წამყვან უნივერსიტეტებში სურს.
