ლეტერატო — აკადემია მოზარდებისთვის

2017 წლიდან ვეხმარებით მოზარდებს, გაიფართოონ თვალსაწიერი და ივარჯიშონ იმაში, რასაც სკოლა ხშირად ვერ ასწავლის: არგუმენტირებულ მსჯელობაში, კრიტიკულ აზროვნებასა და საკუთარი თავის გამოხატვაში. აქ მოზარდი უმეგობრდება წიგნს და სწავლობს ტექსტის ღრმად გააზრებას — არა უბრალოდ წაკითხვას, არამედ იმის დანახვას, რაც სტრიქონებს მიღმაა.

ჩვენი სასწავლო პროცესი ინოვაციურ, ინტერაქტიულ მეთოდოლოგიას ეყრდნობა. სწავლება მიმდინარეობს ქეისებით, როლური თამაშებით, სახალისო შეჯიბრებებით, საინტერესო ადამიანებთან შეხვედრებითა და თითოეულ მოსწავლესთან ინდივიდუალური მიდგომით.

პრინციპი მარტივია: მოზარდმა მიიღოს მაქსიმალური ინფორმაცია და ამავდროულად მიეცეს სტიმული, თავად მოიპოვოს მეტი ცოდნა, დასვას მეტი კითხვა. თითოეული მოდულის მიმდინარეობისას მოზარდი სწავლობს ინფორმაციის დამუშავებას დაკვირვებითა და ანალიზით, ფაქტების სინთეზს, არგუმენტირებულ მსჯელობასა და საკუთარი აზრის სწორად კომუნიკაციას.

ვმუშაობთ მცირე ჯგუფებში, სადაც თითოეულ მოზარდს ინდივიდუალური მიდგომა და ჩაღრმავებული სწავლება ხვდება — ისეთი, რომელსაც ვერცერთი მასობრივი პროგრამა ვერ ჩაანაცვლებს. ეს ფაქტობრივად ექსკლუზიური ფორმატია: მას თითქმის არავინ სთავაზობს მოზარდებს იმ დამატებით აქტივობებთან ერთად, რაც ხელს უწყობს მათ განვითარებას, როგორიცაა ონლაინ ჟურნალის გამოშვება, პოდკასტების ჩაწერა ან მენტორობის პროგრამა.

მოზარდი აქ არა მხოლოდ ჭკვიანდება, არამედ იზრდება — პოულობს საკუთარ ხმას, სწავლობს თანადგომას, იძენს მეგობრებს. ჩვენი გარემო თავისუფლებაზეა აგებული, ერთი მარტივი წესით: ჩემი თავისუფლება იქ მთავრდება, სადაც შენი იწყება. პატივისცემა, მხარდაჭერა, ინტელექტუალური პაექრობა: სწორედ ეს გარემო ავითარებს ანალიტიკურ აზროვნებას — ეფექტური გადაწყვეტილებების საფუძველს.

გვჯერა, რომ ყველა მოზარდს აქვს პოტენციალი და საკუთარი გზა. პატივს ვცემთ აკადემიის თითოეულ წევრს და ჩვენს საქმედ იმას მივიჩნევთ, რომ თითოეულმა იპოვოს თავისი ხმა, თავისი ძალა და თავისი მიმართულება.

VI–XII კლასის მოზარდებისთვის, ორ ასაკობრივ საფეხურად.