11 მაისს ჩვენი მოსწავლეები ამერიკელი ჟურნალისტს, რამდენიმე წიგნის ავტორსა და მოგზაურს შეხვდნენ. ნინა წერს ისეთი ცნობილი მედია საშუალებებისთვის, როგორიცაა Wall Street Journal, BBC, Huffington Post, the Atlantic და სხვა. ნინას დამთავრებული აქვს ბერკლის უნივერსიტეტი და ფლობს მაგისტრის ხარისხის სირაკუზის უნივერსიტეტიდან.
ამაზონიის ჯუნგლები, ნეპალი, ტიბეტი, მონღოლეთი, ტაილანდი - ეს იმ ადგილების მცირე ჩამონათვალია, სადაც ნინას უმოგზაურია და რის შესახებაც ჩვენს მოსწავლეებს უამბო. თუმცა შეხვედრის მთავარი თემა ჟურნალისტიკა გახლდათ. „გამონაგონზე გასაოცარი ჟურნალისტიკაა. ეს არის საოცარი თავგადასავლებით აღსავსე სფერო სიმართლის ძიებაში“- ამბობს ნინა. შესაბამისად, ჟურნალისტმა მოზარდებს როლური თამაშები შესთავაზა, სადაც ისინი რეპორტიორებად გადაიქცნენ და თავად გახდნენ სიმართლის მაძიებლები.
