თვითშეფასების პრობლემა მოზარდებში ძალზე აქტუალურია. სწორედ ამიტომ 26 ოქტომბერს ჩვენთან ფსიქოლოგი, გეშტალტ თერაპიის ასოცირებული წევრი თამარ იმნაიშვილი მოვიწვიეთ. რატომ არის მნიშვნელოვანი თვითშეფასება? რას ნიშნავს "მე"-ს ხატი და როგორ შეიძლება მოახერხოს მოზარდმა სწორი თვითშეფასების ჩამოყალიბება? თამარ იმნაიშვილი ინტერაქტიული სემინარის ფარგლებში ჩვენს მოსწავლეებს ამ საკითხებზე გაესაუბრა. მან მოზარდებს თვითრწმენის, შფოთის მოხსნის, თვითშეფასების ამაღლების ტექნიკები გააცნო, რაც მათ ასაკობრივ პრობლემებთან გამკლავებაში დაეხმარება.
