xose romero

ხოსე რომერო წარმოადგენს ინოვაციებისა და ტექნოლოგიების ექსპერტს. ამასთანავე მას კონცეპტუალიზაციისა და პროექტების მართვის სწავლების 15 წლიანი გამოცდილება აქვს.

საქართველოში იგი ექსპერტულ ცოდნას უზიარებდა ტექნოლოგიების დარგში ისეთ სახელმწიფო ინსტიტუტებს, როგორიცაა საქართველოს ინოვაციებისა და ტექნოლოგიების სააგენტო. განხორციელებული აქვს პროექტები უკრაინაში, ესტონეთში, ლიეტუვასა და აზერბაიჯანში. მისი სამუშაო გამოცდილება ასევე მოიცავს ბიზნეს-ანალიტიკას, ბიზნეს-ინკუბატორების შექმნასა და გამართვას, ტექნოლოგიების გავრცელებასა და გადაცემას. ხოსე რომერო ფლობს მაგისტრის ხარისხს ინტელექტუალური საკუთრების განხრით, კვალიფიკაციის ასამაღლებლად გავლილი აქვს პროგრამები ტექნოლოგიების კომერციალიზაციისა და ინტელექტუალური საკუთრების მიმართულებით ოქსფორდსა და კემბრიჯში.

მას მოზარდებისა და სტუდენტების სწავლების მრავალწლიანი გამოცდილება აქვს სხვადასხვა ქვეყანაში, მათ შორის საქართველოშიც.

"ლეტერატოში" ხოსე რომერო ინოვაციებისა და ბიზნეს-უნარების კლასს ხელმძღვანელობს, რომელშიც იგი ერთგვარ იდეების ლაბორატორიას ქმნის, სადაც მოსწავლეები ინოვაციურ აღმოჩენებს აკეთებენ, არასტანდარტულ გადაწყვეტილებებს ეუფლებიან და საკუთარ თავებს საქმიანობის დაგეგმვაში, ორგანიზებასა და იდეის განხორციელებაში ცდიან.

Letterato Logo